முதலமைச்சர் மு.க.ஸ்டாலின் 71-வது பிறந்தநாளையொட்டி வாழ்த்து!.

இந்திய குடியரசுத் தலைவர் திரௌபதி முர்மு அவர்கள் தமிழ்நாடு முதலமைச்சர் அவர்களுக்கு பிறந்தநாள் வாழ்த்துச் செய்தி அனுப்பியும், தொலைபேசி வாயிலாகவும் வாழ்த்து தெரிவித்தார்.

இந்தியப் பிரதமர் நரேந்திர மோடி அவர்கள் சமூக வலைதளம் வாயிலாக தமிழ்நாடு முதலமைச்சர் அவர்களுக்கு பிறந்தநாள் வாழ்த்து தெரிவித்தார்.

குடியரசு துணைத் தலைவர் ஜகதீப் தன்கர் அவர்கள் தமிழ்நாடு முதலமைச்சர் அவர்களை தொலைபேசி வாயிலாக தொடர்பு கொண்டு பிறந்தநாள் வாழ்த்து தெரிவித்தார்.

ஒன்றிய சாலைப் போக்குவரத்து மற்றும் நெடுஞ்சாலைகள் துறை அமைச்சர் நிதின் கட்கரி, மக்களவை தலைவர் ஓம் பிர்லா ஆகியோர் சமூக வலைதளம் வாயிலாக தமிழ்நாடு முதலமைச்சர் அவர்களுக்கு பிறந்தநாள் வாழ்த்து தெரிவித்தார்கள்.

தமிழ்நாடு ஆளுநர் ஆர்.என். ரவி அவர்கள் தமிழ்நாடு முதலமைச்சர் அவர்களுக்கு பிறந்தநாள் வாழ்த்துச் செய்தியும், பூங்கொத்தினையும் அனுப்பி வைத்தார்.

தேசிய அளவில் தோழமைக் கட்சிகளின் சார்பில் அகில இந்திய காங்கிரஸ் கட்சியின் தலைவர் மல்லிகார்ஜுன கார்கே, அகில இந்திய காங்கிரஸ் கட்சியின் முன்னாள் தலைவர் ராகுல் காந்தி, கேரள மாநில முதலமைச்சர் பினராயி விஜயன், தில்லி முதலமைச்சர் அரவிந்த் கெஜ்ரிவால், மகாராஷ்டிரா மாநில முன்னாள் முதலமைச்சர் சரத்பவார், உத்தர பிரதேச மாநில முன்னாள் முதலமைச்சரும், சமாஜ்வாடி கட்சியின் தலைவருமான அகிலேஷ் யாதவ், பீகார் மாநில முன்னாள் துணை முதலமைச்சர் தேஜஸ்வி யாதவ் ஆகியோர் சமூக வலைதளம் வாயிலாகவும், இந்திய மார்க்சிஸ்ட் கட்சியின் பொதுச் செயலாளர் டி. ராஜா அவர்கள் தொலைபேசி வாயிலாகவும் தமிழ்நாடு முதலமைச்சர் அவர்களுக்கு பிறந்தநாள் வாழ்த்து தெரிவித்தார்கள்.

மாநில அளவில் தோழமைக் கட்சிகளின் சார்பில், தமிழ்நாடு காங்கிரஸ் கமிட்டி தலைவரும், சட்டமன்ற உறுப்பினருமான கு. செல்வப்பெருந்தகை, காங்கிரஸ் கட்சியின் சட்டமன்றக் கட்சித் தலைவர் எஸ். ராஜேஷ் குமார், நாடாளுமன்ற உறுப்பினர் சு. திருநாவுக்கரசர், நாடாளுமன்ற முன்னாள் உறுப்பினர்கள் கே.வி. தங்கபாலு, எம். கிருஷ்ணசாமி, தமிழ்நாடு சிறுபான்மையினர் நல ஆணையத்தின் தலைவர் பீட்டர் அல்போன்ஸ், முன்னாள் தமிழ்நாடு மாநில காங்கிரஸ் கமிட்டி தலைவர் கே.எஸ். அழகரி;

இந்திய கம்யூனிஸ்ட் கட்சியின் மாநிலச் செயலாளர் இரா. முத்தரசன், மார்க்சிஸ்ட் கம்யூனிஸ்ட் கட்சியின் மாநிலச் செயலாளர் கே. பாலகிருஷ்ணன் மற்றும் நிர்வாகிகள்;மறுமலர்ச்சி திராவிட முன்னேற்றக் கழகத்தின் பொதுச் செயலாளரும், நாடாளுமன்ற உறுப்பினருமான வைகோ, தலைமைக் கழக செயலாளர் துரை வையாபுரி. அவைத் தலைவர் அர்ஜுன் ராஜ், துணை பொதுச் செயலாளர் மல்லை சத்யா;

இந்திய யூனியன் முஸ்லீம் லீக் தலைவர் பேராசிரியர் கே.எம். காதர் மொகிதீன், துணைத் தலைவர் நவாஸ் கனி, பொதுச் செயலாளர் அபுபக்கர்;

மனிதநேய மக்கள் கட்சித் தலைவரும், சட்டமன்ற உறுப்பினருமான எம்.எச். ஜவாஹிருல்லா, பொதுச் செயலாளரும் சட்டமன்ற உறுப்பினருமான பி. அப்துல் சமது;

விடுதலை சிறுத்தைகள் கட்சியின் தலைவரும், நாடாளுமன்ற உறுப்பினருமான தொல். திருமாவளவன் மற்றும் சட்டமன்ற உறுப்பினர்கள்;

கொங்கு நாடு மக்கள் தேசிய கட்சியின் தலைவரும், சட்டமன்ற உறுப்பினருமான ஈ.ஆர். ஈஸ்வரன், தமிழ்நாடு வாழ்வுரிமை கட்சியின் தலைவர் தி. வேல்முருகன்;

புதுச்சேரி காங்கிரஸ் கட்சி சார்பாக மாநில தலைவரும் பாராளுமன்ற உறுப்பினருமான வைத்திலிங்கம், முன்னாள் முதலமைச்சர் நாராயணசாமி ஆகியோர் தலைமையில் காங்கிரஸ் சட்டமன்ற கட்சி தலைவர் வைத்தியநாதன், முன்னாள் அமைச்சர் சுப்பிரமணியம்,

முன்னாள் சட்டமன்ற உறுப்பினர் கார்த்திகேயன் காங்கிரஸ் கட்சி மாநில நிர்வாகிகள்; ஆகியோர் தமிழ்நாடு முதலமைச்சர் அவர்களை நேரில் சந்தித்து பிறந்தநாள் வாழ்த்துகளை தெரிவித்தார்கள்.

பாட்டாளி மக்கள் கட்சியின் நிறுவனத் தலைவர் மருத்துவர் இராமதாசு, பாட்டாளி மக்கள் கட்சியின் தலைவரும், நாடாளுமன்ற உறுப்பினருமான டாக்டர் அன்புமணி இராமதாசு ஆகியோர் சமூக வலைதளம் வாயிலாக தமிழ்நாடு முதலமைச்சர் அவர்களுக்கு பிறந்தநாள் வாழ்த்து தெரிவித்தார்கள்.

திரைப்பட நடிகர் ‘சூப்பர் ஸ்டார்’ ரஜினிகாந்த், நடிகர் சத்யராஜ் ஆகியோர் தொலைபேசி வாயிலாகவும், மக்கள் நீதி மய்யம் கட்சியின் தலைவர் கலைஞானி கமல்ஹாசன் அவர்கள் சமூகவலைதளம் வாயிலாகவும் பிறந்தநாள் வாழ்த்து தெரிவித்தனர்.

கவிப்பேரரசு வைரமுத்து, நடிகர் தியாகராஜன் மற்றும் அவரது மகன் நடிகர் பிரசாந்த் ஆகியோர் முதலமைச்சர் அவர்களை நேரில் சந்தித்து பிறந்தநாள் வாழ்த்து தெரிவித்தனர்.

இந்திய விவசாயிகள் சங்கம், மாற்றுத்திறனாளிகள் சங்கம், திருநங்கைகள் சங்கம் ஆகிய சங்கங்களின் நிர்வாகிகள் முதலமைச்சர் அவர்களை நேரில் சந்தித்து பிறந்தநாள் வாழ்த்து தெரிவித்தனர்.

அமைச்சர் பெருமக்கள், நாடாளுமன்ற, சட்டமன்ற இந்நாள் முன்னாள் உறுப்பினர்கள், உள்ளாட்சி அமைப்புகளின் பிரதிநிதிகள், நிர்வாகிகள், தொண்டர்கள் மற்றும் பொதுமக்கள் தமிழ்நாடு முதலமைச்சர் அவர்களை நேரில் சந்தித்து பிறந்தநாள் வாழ்த்து தெரிவித்தனர்.